Header Ads

ចាប់បានបាត់!! លួច​ទំនិញ​គេ ដាក់​ក្នុងខោ​ទ្រនាប់ ច្រើនណាស់ (មានវីដេអូ)

ប្រេស៊ីល៖ ចោរស្រី២នាក់ ត្រូវបានម្ចាស់ហាងទំនិញមួយកន្លែងចាប់បាន ខណៈពួកគេបានលួចទំនិញជាច្រើនពីក្នុងហាង ញ៉ុកចូលទៅក្នុងខោទ្រនាប់របស់ខ្លួន។ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន DailyMail របស់ចក្រភពអង់គ្លេស។

នេះជាទិដ្ឋភាពដ៏អស្ចារ្យ ដែលចោរស្រីពីរនាក់ បានទាញទំនិញដែលពួកគេលួចបានចេញពីខោទ្រនាប់ នៅក្នុងហាងមួយដែលគេជឿថានៅប្រទេសប្រេស៊ីល ដោយពួកគេត្រូវអ្នកគ្រប់គ្រងហាង​ ចាប់បានតាមរយៈកាមេរ៉ាសុវត្ថិភាព។

ម្ចាស់ហាងដែលជាបុរសម្នាក់ បានយកកាមេរ៉ាទូរស័ព្ទមកថតសកម្មភាពចោរស្រីទាំងពីរ ដករបស់របរដែលពួកគេលួចបាន ចេញពីខោក្នុង ដាក់ទៅលើឥដ្ឋ ខណៈស្រ្តីម្នាក់បានចូលទៅត្រួតពិនិត្យបន្ថែម ក្រែងនៅមានលាក់ទុកនៅកន្លែងណាទៀត។

របស់របរដែលចោរស្រីទាំងពីរលាក់ទុកនោះ រួមមានដូចជា ដបស្រា អាហារសម្រន់ និង របស់របរប្រើប្រាស់ជាច្រើនទៀត។ ពួកគេបានទុករបស់របរដែលលួចបានទាំងនោះនៅលើឥដ្ឋ និងត្រូវបានក្រុមបុគ្គលិកហាងជេរប្រទេចខ្លាំងៗដូចព្យុះអីចឹង។

គួរបញ្ជាក់ថា វីដេអូនេះត្រូវបានគេបង្ហោះចូលទៅក្នុងវេបសាយវីដេអូ LiveLeak កាលពីថ្ងៃទី ៩ ខែតុលា ហើយទីតាំងគឺត្រូវបានគេភ្ជាប់ថា កើតឡើងនៅក្នុងប្រទេសប្រេស៊ីល ប៉ុន្តែមិនមានបញ្ជាក់ថា ស្ថិតនៅក្នុងតំបន់ណាមួយនោះទេ៕

សូមជួយស៊ែរបន្តផង! សូមអរគុណ!

No comments