Header Ads

គួរឲ្យខ្លាចណាស់!! ខ្មោចចូលអ្នកភូមិជាង ៣០នាក់ក្រោយពីរើសបានកូនតុក្កតាធ្មប់មួយ (មានវីដេអូ)

នីការ៉ាហ្គ័រ៖ សារព័ត៌មាន មីរ័រ របស់អង់គ្លេសបានចុះផ្សាយកាលពីថ្ងៃទី០៨ ខែមីនា ឆ្នាំ២០១៧ថា សហគមន៍មួយកំពុងជ្រួលច្របល់ជាខ្លាំង បន្ទាប់ពីអ្នកភូមិជាង៣០នាក់ ត្រូវគេជឿជាក់ថា មានវិញ្ញាណខ្មោចចូលសណ្ឋិត បន្ទាប់ពីបានរកឃើញ កូនតុក្កតាធ្មប់មួយ។

ប្រភពព័ត៌មានបានឲ្យដឹងថា អ្នកភូមិទាំងនោះ រស់នៅក្នុងទីក្រុង Santo Tomás ក្បែរ Waspan ភាគខាងត្បូងប្រទេស Nicaragua ។ ហើយមានអ្នកស្រុកមួយចំនួន ត្រូវបានគេនិយាយថា បានត្រូវអំពើម្យ៉ាងឈ្មោះ ”Grisi Siknis” ដែលមានន័យថា “ជំងឺឆ្កួត” ហើយជាញឹកញាប់បំផុត តែងកើតឡើងនៅលើសហគមន៍របស់អាមេរិកកណ្តាល។

អាការជំងឺមួយនេះ ជាញឹកញាប់បង្ហាញរោគសញ្ញាដូចជា ចង់ក្អួត ការថប់អារម្មណ៍ វិលមុខ ឆ្កួតៗ ខឹងឆេវឆាវ ភ័យខ្លាច ជាដើម។ ហើយអ្នកដែលកើតមានអាការៈជំងឺ ”Grisi Siknis” នេះក៏មានអារម្មណ៍ទាក់ទងទៅនឹងព្រលឹង ព្រមទាំងវិញ្ញាណបិសាចផងដែរ។

ប្រភពព័ត៌មានបានបន្តថា បន្ទាប់ពីមានហេតុការណ៍ចម្លែកនេះកើតឡើង ក៏មានស្រ្តីម្នាក់ឈ្មោះ Marisella ដែលរស់នៅក្នុងភូមិជាមួយគ្នានោះ បានព្យាយាមចូលមកជួយអ្នកជិតខាងរបស់ខ្លួន។ គាត់បានបង្កើតឱសថម្យ៉ាង ច្នៃដោយខ្លួនឯង សម្រាប់ព្យាបាលជំងឺមួយនេះ ដោយយកទៅចាក់នៅលើខ្នងអ្នកភូមិ ក្នុងគោលបំណង ដើម្បីបណ្តេញវិញ្ញាណខ្មោចព្រាយបិសាចចេញពីរាងកាយ។

បន្ទាប់ពីបានស៊ើបអង្កេតពីដើមចមនៃហេតុការណ៍ឲ្យស៊ីជម្រៅ ស្រ្តី Marisella បានឲ្យដឹងថា នាងបានរកឃើញពីមូលហេតុពិតប្រាកដហើយ គឺបណ្តាលមកពី កូនតុក្កតា តូចមួយ ដែលគេធ្វើមន្តអាគមន៍ពីលើ។ តុក្កតានោះ មានខ្សែពណ៌ខ្មៅរុំជាប់នឹងខ្លួន ហើយថែមទាំងមានសញ្ញាខ្វែង នៅពាសពេញមុខទៀតផង។

តុក្កតានោះត្រូវអ្នកស្រុករើសបាននៅតាមផ្លូវ ហើយគេជឿជាក់ថា វាមានជាប់មន្តអាគមងងឹតមកជាមួយ ដែលជាមន្តអាគមអាក្រក់។ ហើយនៅពេលនេះ អ្នកភូមិក៏បានសម្រេចចិត្តដុតតុក្កតានោះចោលបាត់ហើយ ដើម្បីកុំឲ្យមានជាប់មន្តអាគមន្តងងឹតទៀត៕

**** អានអត្តបទបន្ត៖ តូចតែខ្លួនទេ! ក្មេងប្រុសអាយុ២ឆ្នាំម្នាក់ អាចជួយសង្គ្រោះបងប្អូនភ្លោះរបស់គេ ជាប់ពីក្រោមទូរបាន (មានវីដេអូ) ****

បរទេស៖ វីរបុរសគឺអាចកើតចេញពីមនុស្សគ្រប់សណ្ឋាន មិនថាខ្ពស់ទាប តូចធំ ឬក្មេងចាស់នោះទេ ដូចជាករណីមួយនេះអ៉ីចឹង ដែលក្មេងប្រុសអាយុ២ឆ្នាំម្នាក់ បានក្លាយជាវីរបុរសតូច ជួយសង្គ្រោះបងប្អូនភ្លោះរបស់គេ ដែលគៀបជាប់នៅក្រោមទូរដ៏ធំមួយ ដែលរលំសង្កត់ពីលើ។

ក្មេងប្រុសតូច Brock Shoff ត្រូវបានទូរមួយសង្កត់ជាប់នៅខាងចុងនៃទូរ ខណៈពេលដែលគេកំពុងតែលេង នៅក្នុងបន្ទប់គេងរបស់គេ ហើយបងប្អូនភ្លោះឈ្មោះ Bowdy ក៏នៅទីនោះជាមួយគ្នាដែរ។ បន្ទាប់ពីឃើញប្អូនប្រុសជាប់នៅក្រោមទូរបែបនេះ Bowdy ក៏បានខ្នះខ្នែងជួយប្អូនប្រុសភ្លាមៗផងដែរ ហើយសកម្មភាពទាំងអស់របស់គេត្រូវបាន​ថតជាប់ដោយកាមេរ៉ាសុវត្តិភាព ដែលបំពាក់នៅក្នុងបន្ទប់នោះ។

ប្រភពព័ត៌មានបានឲ្យដឹងថា វីដេអូដ៏គួរឲ្យចាប់អារម្មណ៍មួយនេះ ត្រូវបានបង្ហោះចូលក្នុងបណ្តាញសង្កម Facebook កាលពីថ្ងៃអាទិត្យ ដោយឪពុកម្តាយរបស់ក្មេងតូចទាំង២នាក់នេះ អមជាមួយនឹងការក្រើនរំឮកពីគ្រោះថ្នាក់ដែលអាចកើតមានឡើងចំពោះកូនតូចៗ ដោយសារទូរដាក់អីវ៉ាន់ដែលងាយរលំទាំងនោះ។

តាមរយៈវីដេអូដែលបង្ហោះនោះ បានបង្ហាញថា ក្មេងប្រុសតូច Brock បានរើបម្រាស់ចុះឡើង នៅពេលដែលគេជាប់នៅក្រោមទូរនោះ វាជារឿងដ៏គ្រោះថ្នាក់ណាស់ ព្រោះគេអាចទទួលរងសម្ពាធកាន់តែខ្លាំងពីទូរដែលសង្កត់ ខណៈពេលដែលម្តាយរបស់គេឈ្មោះ Kayli បានចេញពីបន្ទប់នោះចុះទៅក្រោមផ្ទះមួយភ្លែត ដូច្នេះគ្មានមនុស្សធំណាម្នាក់នៅជិតនោះ ដើម្បីជួយគេនោះទេ។

ប៉ុន្តែវាពិតជាសំណាងល្អណាស់ ដែលបងប្រុសរបស់គេ Bowdy ក៏នៅទីនោះដែរ ដោយគេបានដើរចុះឡើងជុំវិញទូរនោះ ដើម្បីព្យាយាមរកដំណោះស្រាយ ជួយទៅដល់ប្អូនភ្លោះរបស់គេដែលជាប់នៅក្រោមទូរនោះ។ ដំបូងឡើយ Bowdy បានព្យាយាមលើកទូរនោះឡើង ដោយដៃតូចៗរបស់គេ ប៉ុន្តែដោយសារទូរនោះធ្ងន់ពេក គេមិនអាចលើកបាននោះទេ។

ដោយសារតែមិនអាចលើកបាន Bowdy ក៏បានប្តូរវិធីសាស្រ្ត ដោយគេចាប់ផ្តើមរុញទូរនោះម្តងវិញ ហើយវាពិតជាទទួលបានផលមែន ខណៈBrock អាចត្រឡប់ខ្លួនរបស់គេបាន និងរើចេញពីក្រោមទូរ ដោយសុវត្តិភាព។ ក្មេងតូច Brock បានយំមួយសន្ទុះ ហើយលែងអី រួចនាំគ្នាលែងជាមួយបងប្អូនរបស់គេវិញ នៅពេលដែលម្តាយរបស់គេត្រឡប់ទៅដល់បន្ទប់។

នាង Kayli ដែលត្រូវជាម្តាយបានឲ្យដឹងថា នាងមិនបានឮសម្លេងទូរនោះរលំ ឬក៏សម្លេងកូនរបស់នាងយំនោះទេ ខណៈដែលឪពុកក្មេងទាំងពីរ បានឲ្យដឹងថា គាត់មានក្តីរីករាយជាខ្លាំងចំណោះចំណងមិត្តភាពរបស់កូនគាត់ទាំង២នាក់ចំពោះគ្នាទៅវិញទៅមកនេះ៕

ប្រភព៖ khmermailer

សូមជួយស៊ែរបន្តផង! សូមអរគុណ!

No comments