Header Ads

គួរឲ្យខ្លាច!! រកឃើញសពកូនមន្រ្តីធំ ក្នុងផ្នូរបុរាណសម័យរាជវង្សមីង អាយុកាលជាង៥០០ឆ្នាំ តែនៅមានសភាពល្អ

គួរឲ្យខ្លាច!! រកឃើញសពកូនមន្រ្តីធំ ក្នុងផ្នូរបុរាណសម័យរាជវង្សមីង អាយុកាលជាង៥០០ឆ្នាំ តែនៅមានសភាពល្អ

ចិន៖ សាកសពដែលមានសភាពល្អ ត្រូវបានប្រទះឃើញនៅក្នុងផ្នូរបុរាណមួយ ដោយក្រុមការងារសំណង់ មានទីតាំងស្ថិតក្នុងសង្កាត់ Taikang ខេត្តហឺណាន ភាគកណ្តាលប្រទេសចិន កាលពីថ្ងៃអាទិត្យ សប្តាហ៍មុន។ នេះបើយោងតាមការចុះផ្សាយរបស់សារព័ត៌មាន CGTN កាលពីថ្ងៃទី២៧ ខែមីនា ឆ្នាំ២០១៧។

ប្រភពព័ត៌មានបានឲ្យដឹងថា សាកសពដែលជាបុរសមានស្លៀកពាក់ខោអាវមន្រ្តីរាជការស៊ីវិល ហើយនៅមានសក់ជាច្រើនជាប់នៅឡើយ។ យោងតាមសិលាចារិក ចំនួន៤នៅមុខផ្នូរ បានបង្ហាញថា សាកសពមានឈ្មោះថា Gu Pu ត្រូវបានកប់អស់រយៈពេលជាង៥០០ឆ្នាំមកហើយ ក្នុងសម័យរាជវង្សមីង។ Gu Pu គឺជាចៅប្រុសរបស់ Gu Zuo ដែលជាមន្រ្តីជាន់ខ្ពស់មួយរូបរបស់ព្រះចៅអធិរាជមីង។

ទោះជាយ៉ាងណា ក្រុមការងារសំណង់មិនបានផ្តល់ដំណឹងទៅដល់អាជ្ញាធរមូលដ្ឋានភ្លាមៗទេ រហូតដល់ម៉ោង៩យប់ទើបដឹង ហើយដោយសារការពន្យាពេលក្នុងការផ្តល់ដំណឹងនេះ ផ្នូរខាងលើត្រូវបានគេរាយការណ៍ថាបានទទួលរងការខូចខាតមួយចំនួន ហើយវត្ថុបុរាណមួយចំនួនត្រូវបានគេលួចបាត់។

ក្រោយមកមន្រ្តីមូលដ្ឋាន និងជាអនុប្រធាននាយកដ្ឋានវប្បធម៌ លោក Ge បានចេញមុខបញ្ជាក់ថា ផ្នូរបុរាណនោះពិតជារកឃើញមែន។ ប៉ុន្តែលោកបានច្រានចោលនូវពាក្យចចាមអារ៉ាមលើបណ្តាញអ៊ីនធើណេត ដែលថាអ្នកស្រុកក្នុងតំបន់អាចចូលក្នុងទីតាំងផ្នូរដោយសេរី និងបានយករបស់របរមួយចំនួនដែលកប់ក្នុងផ្នូរនោះ។

លោកក៏បានអះអាងដែរថា របស់របរដែលកប់នៅក្នុងផ្នូរនោះ មិនសូវមានតម្លៃប៉ុន្មានទេ ដោយសារអំពើពុករលួយ និងការសូកប៉ាន់ត្រូវបានគេហាមឃាត់យ៉ាងតឹងរ៉ឹង ក្នុងអំឡុងពេលរាជវង្សមីង។ ទោះបីជាមន្រ្តីរាជការស៊ីវិលកម្រិតខ្ពស់ប៉ុណ្ណា នៅពេលដែលពួកគេបានស្លាប់ទៅ នឹងមិនត្រូវបានកប់ជាមួយវត្ថុមានតម្លៃអ្វីពិតប្រាកដឡើយ។

លោក Wang Deheng អ្នកស្រាវជ្រាវនៅបណ្ឌិតសភាវិទ្យាសាស្ត្រប្រទេសចិន ក៏បានថ្លែងឲ្យដឹងដែរថា “វាជារឿងដ៏កម្រណាស់ដែលអាចបានឃើញសាកសពនៅសភាពល្អ រួមជាមួយនឹងសម្លៀកបំពាក់បែបនេះ និងបានស្នើ ដាក់ការរកឃើញនេះនៅក្នុងលក្ខខណ្ឌនៃបុរាណវិទ្យា និងមានតម្លៃខ្លាំង”។

ប្រភព៖ khmermailer

សូមជួយស៊ែរបន្តផង! សូមអរគុណ!

No comments